Planifikatè 2025 [Planifikatè Espirityèl]

On lanné pou adrésé, ranfòsé épi élivé chimen èspirityèl a-w

Planifikatè-lasa sé pou moun ka konsakré, oswa pétèt sa ki vé jété on zyé, adan rèlijyon épi sistèm tradisyonèl afriken, kon Houdou, Vodou, Candomblê, Kenbwa, Ifa, Quimbanda, Umbanda, épi Vodou Lwizyan. Idéyal pou moun ka woukonèkté épi chouk a zansèt a-yo, ka èsploré pratik èspirityèl altènatif oswa ki vlé konsolidé swen pèsonèl a-yo épi èspirityalité chak jou. Ajenda-lasa ka bay on chawpant pou rédé-w gloriyé zansèt a-w é pwòp chimen pèsonèl a-w.

Poukibiten ajenda-lasa bon ba-w?

Ajenda-lasa ka rédé-w òrganizé travay é pratik a-w dapré faz a lalin épi rityèl sézonyè. I ka ankourajé-w pou kontinyé tini on pratik èspirityèl régilyé. I ka ba-w on koté pou pésa maké travay, réfléchi asi mésaj ou ka jwenn an divinasyon épi suiv dat enpòtan an enpé sistèm èspirityèl dyaspora Afriken ou ka patisipé.

Sé pi plis ki on planifikatè: sé on zouti èspirityèl olistik ka onoré rèlijyon tradisyonèl épi sistèm èspirityèl afriken tou pannan i ka pèmèt vou kréyé on woutin ka sanm chimen pèsonèl a-w. Ajenda-lasa, sé on fanm natif natal dyaspora Afriken ki fè-y é li menm a-y sé on pratikan a pizyè sistèm. Adonk, i ka pòté soutyen pou pratikan ki tini èspéryans épi sa ki sòti rivé an èspirityalité Afriken.

Ka ki adan

• Kalandriyé a lalin: konsa ou pé planifyé travay a vou dapré faz a lalin.
• Espas chak mwa pou divinasyon épi réflèksyon: maké mésaj ka vin pannan divinasyon ; réfléchi asi dévlòpman pèsonèl é espirityèl a-w chak mwa.
• Almanak épi sélébrasyon a rèlijyon Afriken: on ajenda èvè prensipal fèstival épi sélébrasyon pou lèspri épi divinité an Houdou, Vodou, Quimbanda, Umbanda épi Ifa.
• Jounal a travay é rityèl: On èspas pou dokimanté travay a-w, ki ou fokalizé asi pwotèksyon, pwòspérité, lanmou, oswa gérizon.

AGOUBA

Magré a pa on liv a travay, an pa té pé fè on planifikatè èvè yenki dat adan. Mi pousa lè ou ké wouvè-y ou ké jwenn èvè:
– on priyè ba lézansèt,
– lis kiltirèl (liv pou li, fim pou gadé),
– on piti sérémoni fasil tout moun pé fè pou koumansé lanné-la kon i fo.

Édisyon 2025

Edisyon a lanné-lasa ka konsantré asi katchimen, on éléman ésansyèl an TOUT rèlijyon é pratik èspirityèl ki sòti Lafrik. Nou ké èsploré sans ay épi dékouvè ansanm dé gran non a lèspri katchimen an rèlijyon Yoruba Ifa épi Vodou: Eleguá èvè Papa Legba.

Ajenda-la ka préazanté kat rityèl ésansyèl an tradisyon Kenbwa, yonn pou chak sézon, ka kouvè pirifikasyon, dégajman, pwoteksyon épi abondans.

Edisyon avan

Édisyon 2024
Ni on tibiten diféran adan édisyon-lasa. I dédyé pou Ọ̀ṣun. Davwa an ka suiv-li, chwa-la té fasil pou mwen. Ou ké jwenn épi on entwodiksyon asi-y èvè toutbiten i ka rèprézanté ki touléjou ki métafizik. Ou ké aprann dé ti istwa épi on rityèl présé pou konèkté èvè-y (épi rèspé) pannan mwa yo ka fété-y. An agouba, an ké prézanté ba-w on dòt divinité mwen enmé onpil ki ka vlé sanm fanmi èvè Ọ̀ṣun: Pomba Gira. Lanné-lasa ankò, an ké fokalizé asi Kenbwa épi on palé an pran èvè pwòp manman mwen asi édikasyon èspirityèl  é transmisyon.

Édisyon 2023
Lanné-lasa ankò, an ka ba-w dé tèks pou pwofondi réflèksyon a-w é pou détann vou tigout. Ou ké touvé on ti istwa asi pratik a dlo koukoun. Mè ou ké jwenn osi èvè on entèvyou épi on moun èsepsyonèl davwa i ni on pozisyon an Vodou Ayisyen toupannan i sé on référans politik é kiltirèl padavwa sé on larenn, Rèn Manman Dòwòti Désir, larenn la dyaspora o Benen.

Édisyon 2022
I ka ba-w osi dé tèks. Prèmyé-la sé on atik asi lanmò an kilti Kenbwa (rèspè épi lapérézité alantou a mò, élévasyon a nanm…). Dézyenm-la sé on pawòl asi Hoodoo, on tradisyon nèg amériken moun ka palé plis an plis é ki ka pèd figi a-y menm jan-la. Mwen kontré épi on mòso moun adan tradisyon-la, larenn Cotaliya Benson Milner Meadows de la Pound, pwopriyétè a Conjure South. Ansanm nou palé asi transmisyon pou pwochen jénérasyon épi divini a Hoodoo.

Jous 1yé désanm

Planifikatè-la ké disponib ofisyèlman 1yé désanm 2024. Mè, ou pé ja kòmandé-y dèpi aprézan!

Si ou fè on pré-komann, ou ka jwenn èvè 10% kado asi Planifikatè-la (kòd: PLANNER10) épi 25% kado asi nenpòt sa ou tini an pllis adan pannyé a-w (kòd: PLANNER25)! Ou pé kolé sé kado-la si ou vlé.

Planifikatè ki pré-komandé ké pati 1yé simenn a désanm.